Чин благословіння фіміаму (ладану) з Євхологіону видання Києво-Печерської Лаври 1646 року

 Синодальна літургічна комісія УПЦ опублікувала Чин благословіння фіміаму (ладану) з Євхологіону видання Свято-Успенської Києво-Печерської Лаври 1646 року, передає Інформаційно-просвітницький відділ УПЦ.

Чин благословения фимиама, сие есть кадила
Иерéй, облачéн в епитрахи́ль, начинáет:
Благоcловéн Бог нaш: Чтéц: Амúнь.
Сла́ва Тебé Бóже нaш, сла́ва Тебé.
Царю́ небécный, Утéшителю, Дýше úстины, úже вездé сы́й, и вся исполня́яй, Сокрóвище благúх и жúзни Подáтелю, приидú и вселúся в ны, и очúсти ны от вся́кия сквéрны, и спасú Блáже, дýши нáша.
Святы́й Бóже, святы́й Крéпкий, святы́й Безсмéртный, помúлуй нaс. (трúжды).
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Пресвятáя Трóице, помúлуй нaс: Гóсподи, очúсти грехú нáша: Влады́ко, простú беззакóния нáша: Святы́й, посетú и исцелú нéмощи нáша, úмене Твоегó рaди.
Гóсподи помúлуй, трúжды. Слáва, и ны́не.
Отче нáш, Иже есú на небесéх, да святúтся úмя Твоé, да приúдет Цáрствие Твоé, да бýдет вóля Твоя́, я́ко на небесú и на землú. Хлéб нáш насýщный дáждь нáм днéсь, и остáви нáм дóлги нáша, я́коже и мы оставл´яем должникóм нáшим: и не введú нaс во искушéние, но избáви нáс от лукáваго.
Свящéнник: Яко Твоé éсть Цáрство:
И мы: Амúнь. Тaже, Гóсподи помúлуй, 12. Слáва, и ны́не:
Приидúте, поклонúмся царéви нáшему Бóгу.
Приидúте, поклонúмся и припадéм Христý, царéви нaшему Бóгу.
Приидúте, поклонúмся и припадéм самомý Христý, Царéви и Бóгу нáшему.
Псалом 65
Воскли́кните Го́сподеви, вся земля́, по́йте же и́мени Его́, дади́те сла́ву хвале́ Его́. Рцы́те Бо́гу: коль стра́шна дела́ Твоя́? Во мно́жестве си́лы Твоея́ со́лжут Тебе́ врази́ Твои́. Вся земля́ да покло́нится Тебе́ и пое́т Тебе́, да пое́т же и́мени Твоему́, Вы́шний. Прииди́те и ви́дите дела́ Бо́жия, коль стра́шен в сове́тех па́че сыно́в челове́ческих. Обраща́яй мо́ре в су́шу, в реце́ про́йдут нога́ми, та́мо возвесели́мся о Нем, Влады́чествующем си́лою Свое́ю ве́ком. О́чи Его́ на язы́ки призира́ете, преогорчева́ющии да не возно́сятся в себе́. Благослови́те, язы́цы, Бо́га на́шего и услы́шан сотвори́те глас хвалы́ Его́,поло́жшаго ду́шу мою́ в живо́т и не да́вшаго во смяте́ние ног мои́х. Я́ко искуси́л ны еси́, Бо́же, разже́гл ны еси́, я́коже разжиза́ется сребро́. Ввел ны еси́ в сеть, положи́л еси́ ско́рби на хребте́ на́шем. Возве́л еси́ челове́ки на главы́ на́ша, проидо́хом сквозе́ огнь и во́ду, и изве́л еси́ ны в поко́й. Вни́ду в дом Твой со всесожже́нием, возда́м Тебе́ моли́твы моя́, я́же изреко́сте устне́ мои́, и глаго́лаша уста́ моя́ в ско́рби мое́й, всесожже́ния ту́чна вознесу́ Тебе́ с кади́лом, и овны́, вознесу́ Тебе́ волы́ с козлы́. Прииди́те, услы́шите, и пове́м вам, вси боя́щиися Бо́га, ели́ка сотвори́ души́ мое́й. К Нему́ усты́ мои́ми воззва́х и вознесо́х под язы́ком мои́м. Непра́вду а́ще узре́х в се́рдце мое́м, да не услы́шит мене́ Госпо́дь. Сего́ ра́ди услы́ша мя Бог, внят гла́су моле́ния моего́. Благослове́н Бог, и́же не отста́ви моли́тву мою́ и ми́лость Свою́ от мене́.
Иерей: Гóсподу помóлимся.
Лик: Гóсподи помúлуй.
И чтет иерей молитву сию:
Влады́ко, Го́споди Иису́се Христе́ Бо́же на́ш, Исто́чниче освяще́ния и благослове́ния Пода́телю, услы́ши моли́тву мене́ гре́шнаго, и низпосли́ благослове́ние Твое́ свято́е Небе́сное на фимиа́м сей, и благослови́ и освяти́ его́, и влей наи́ бога́тое Твое́ дарова́ние. И да́руй ему́ си́лу в е́же бы́ти ему́ все́м ве́рою храня́щим его́, и кадя́щимся им соблюде́ние, и изба́ву от всех вра́жиих прило́гов, и в отгна́ние вся́каго мечта́ния от де́йства диа́воля находя́щаго, дневна́го же и нощна́го: На благослове́ние же душа́м и те́лом ве́рных лю́дей Твои́х, домово́м же и место́м, и в сла́ву Пресвята́го Великоле́пного же и всепокланя́емаго И́мени Твоего́, Ему́же подоба́ет вся́кая сла́ва, держа́ва, че́сть и поклоне́ние, с Отце́м и Святы́м Духом, ны́не и при́сно и во ве́ки веко́в.
Лик: Ами́нь.
Иере́й же кропи́т фимиа́м свяще́нною водо́ю, глаго́ля:
Благословля̀ется и освяща́ется фимиа́м сей окропле́нием воды́ сея́ свяще́нныя во И́мя Отца́, и Сы́на и Свята́го Ду́ха, Ами́нь.
И творит отпуст дневный.

Просмотров: 1274